News

Sàpadu 22 de santandria 2014, presentada de su libru IL SARDO E' UNA LINGUA NORMALE

Sàpadu 22 de santandria 2014, presentada de su libru IL SARDO E' UNA LINGUA NORMALE
LÙVULA. SÀPADU 22 DE SANTADRIA 2014, PRESENTADA DE SU LIBRU ''IL SARDO È UNA LINGUA NORMALE'' Atopu de importu mannu sàpadu a sas 5 e mesa de borta de die in Lùvula: in sa Biblioteca Comunale, s'at a fàghere sa presentada de su libru ''IL SARDO È UNA LINGUA NORMALE'' de Pepe Coròngiu, giornalista, iscritore ei ex diretore de su Servìtziu Limba Sarda de sa Regione Autonoma de Sardigna. Su libru pùblicadu dae sa domo imprentadora Condaghes de Bilartzi est unu biàgiu in sas andalas pedrosas de sa politica linguìstica, in sas andalas de sos istereòtipos prus macos chi impedint a su sardu e sas àteras limbas alloglottas chistionadas in Sardigna de crèschere e de diventare limbas ufìtziales. Sa presentada at a èssere organizada dae sa Biblioteca Comunale de Lùvula, ghiada dae Maria Teresa Rosu in paris a s'Ufìtziu Limba Sarda. Su programma de sa presentada previdit su saludu de su sìndigu Màriu Calia, s'introduida e su coordinamentu de sos traballos de s'Assessore a sa Cultura Petru Pittalis e sos interventos de Màriu Sanna responsàbile de s'Ufìtziu Limba Sarda e de s'autore de su libru Pepe Coròngiu. Sas leturas de carchi tretu de su libru ant a èssere fatas dae banda de Maria Teresa Rosu e de Camilla Sedda
Condividi: