AVISU: su Cursu de Limba Sarda pro sos mannos s'at a fàghere in sa Biblioteca Comunale in sas dies de lunis 10 e chenàpura 14 de martzu 2014 dae sas oras 17.00 a sas oras 19.00. S'Amministratzione Comunale de Lùvula at detzisu de aderire a su progetu ''Su Sardu est in totue'' - ''Attività di promozione linguistica e cultura'' predispostu dae banda de sa Provìntzia de Nùgoro a sos sensos de sa Lege Regionale 6/2012 art. 4 comma 40, chi benit gestidu dae banda de s'Istitutu de Istùdios ''C. Bellieni'' de Tàtari. Su cursu previdit duas letziones de duas oras e at a permìtere a sos dischentes de a èssere informados in subra de sos vantàgios de su bilinguismu, de sas normas vigentes pro sa tutela de sas limbas de minòria, de sas normas de iscritura e de istòria de sa limba sarda. Su cursu at a permìtere a sos dischentes de connòschere totus sas produtziones literàrias, iscientìficas e puru sos mèdios de comunicatzione (dvd didàticos, rivistas in lìnia). Chie est interessadu podet dimandare a s'Istitutu de Istùdios e Chirca ''C. Bellieni'' a su nùmeru de telèfonu 079/230268 e s'indiritzu de posta eletrònica istitutobellieni@gmail.com o bìdere su situ internet http://www.istituto-bellieni.it/ .